“A incorporación das grandes masas de obreiras á loita de liberación do proletariado é unha das condicións previas para a vitoria da idea socialista e para a construción da súa sociedade. Só a sociedade socialista resolverá o conflito hoxe en día producido pola actividade profesional das mulleres”.

Así falou Clara Zetkin no ano 1896, no congreso do Partido Socialdemócrata alemán, e o mesmo espírito desas palabras foi o que a levou a conseguir a aprobación da celebración do Día Internacional das Mulleres Traballadoras, hai xa cen anos.

No pasado, as mulleres, ao igual que os traballadores, non tivemos consciencia clara da nosa servidume. O sometemento, non obstante, das mulleres foi significativamente máis duro, xa que excluídas, casadas ou solteiras estabamos negadas coma seres humanos, cargadas de normas e tarefas que reducían a nosa existencia.

Desde ADIANTE congratulámonos de que, por fin, o pasado 27 de xaneiro á Unión da Mocidade Comunista Checa (KSM) se lle devolera á súa lexitima legalidade no seguemento dunha decisión do Tribunal Municipal de Praga que anula a decisión, e contradí os fundamentos, que levaran a que o 12 de outubro de 2006 o Governo checo declarase ilegal esta organización xuvenil ligada ao KSČM.

Na madrugada do mércores 13 ao xoves 14 foron detidos na entrada da cidade de Pontevedra dous xoves vigueses de recoñecido compromiso: o veciño de Lavadores e militante independentista Xurxo e o veciño de Travesía e militante anarquista Óscar.

A policia española do ex-GAL Rubalcaba non dubidou en lles aplicar a mal-chamada lei “anti-terrorista” e a prensa do sistema en inxurialos e prexulgalos. De novo queda ben claro a conexión e a estudada coordinación policía española / prensa empresarial.

De ADIANTE solidarizámonos cos dous xoves galegos e cos seus familiares, compañeiros e amigos. Exiximos que a denominada “prisión preventiva” non volva a se converter nunha excusa “legal” para privar de liberdade a prisioneiros políticos.

Volvemos reivindicar a liberdade de todos os presos políticos galegos, ou cando menos, o seu traslado á terra. E volvemos apoiar todas as iniciativas dos organismos anti-represivos galegos para rachar os muros do silenciamento e a manipulación.

Logo da celebración do sorteo público de onte que se celebrou por mor das Xornadas A MOCIDADE GALEGA EN DEFENSA DO AGRO, resultaron premiados:

1º premio Nº 00794 - Fin de semana no Courel para dúas persoas.

2º premio Nº 00335 - Cesta de produtos ecolóxicos fornecida pola Asociación de Labregos e Labregas LENTURA.

Se resultaches premiado ou premiada envíanos un mail a Este enderezo de correo-e está protexido contra spam bots, necesitas ter o Javascript activado para podelo ver

 Xa está na rúa unha nova entrega -a número 9- do GUME, o voceiro de ADIANTE no Morrazo e Vigo. Por primeira vez, o contido do GUME é monográfico e aborda a loita do pobo contra a especulación nos terreos de Massó. Faino cunha reportaxe, que malia ter sido xa publicada na nosa web, é moi importante que estea tamén na rúa. Na reportaxe, ADIANTE fala con Mariano Abalo, Maruchi Álvarez, Tiago Pérez e co membro do Comité Nacional de ADIANTE Tomás Hermelo, representativas voces dunha vila en loita. Dunha vila que leva amosando unha actitude resistente exemplar na defensa dos seus intereses ecolóxico-naturais, económicos e culturais.

Tamén podes descargar o GUME desde a nosa web.