Sabías que...?

...o feito de estar bautizad@s fai que a igrexa católica dispoña dos teus datos persoais ao seu antollo vulnerando a Lei de protección de datos persoais?

...que o bautismo é un acto completamente fundamentalista, ritual, involuntario e insconsciente ao que nos somenten á forza sendo recén nacid@s?

...a apostasía (borrarse da igrexa ou “desbautizarse”) é un dereito recoñecido por multitude de lexislacións oficiais estatais e internacionais?

...ao aparentar ser a “confesión maioritaria” a igrexa católica recibe beneficios sociais e fiscais por parte do Estado como o de non pagar o I.V.E. ou outros impostos?

...a igrexa católica recibe unha cantidade fixa de cartos públicos por cada persoa bautizada, aínda que esta persoa non participe nos seus “actos”?

...con eses cartos a igrexa católica ataca e difama ás mulleres, ás persoas homosexuais, as minorías étnicas, etc...?

...a igrexa aínda non pedíu desculpas polos seus crimes contra a clase traballadora nin polo seu apoio ás clases dominantes e ás súas ditaduras e xenocidios?

...que a igrexa católica ten sido e segue a ser un axente colonizador no proceso de liquidación da nosa indentidade cultural galega e da nosa conciencia nacional?

Desde ADIANTE (Mocidade Revolucionaria Galega) queremos animar á mocidade traballadora galega, asalariada e/ou estudante, a dar o paso consciente de cortar os lazos con esta institución reaccionaria engordada coa suor da nosa clase e coas mans luxadas co sangue do noso Pobo.

O dereito a apostatar é algo que se pode facer dun xeito completamente legal, aínda que os responsábeis da seita católica e os seus aliados nos Gobernos resístense a concedelo e o silencian, polo que é preciso que nos xuntemos para informar a outras persoas e apostatar dunha forma unitaria e continuada.

Cómpre deixarlles claro que somos insubmis@s aos seus dogmas, que non queremos ser responsábeis indirectos da súa financiación e que non queremos colaborar nas súas actividades fascistas, españolistas, homófobas, machistas e racistas. Que nos escoiten... NON QUEREMOS PARTICIPAR!

Le aquí os pasos a seguir

Descarga aquí o formulario