VENCEREMOS NÓS!

ADIANTE fai un chamado a participar ao coxunto da mocidade ao acto de reinvindicación-memoria do Día da Clase Obreira Galega en Vigo, o próximo mércores 10 de marzo ás 11:30 horas na rúa Eduardo Iglesias (encrucillada coa r/ Príncipe) ao carón da tenda de Adolfo Domínguez, convocada pola Central Unitaria de Traballadores/as (CUT).

Durante a concentración desenvolverase un acto político no que intervirán compañeiros e compañeiras de ADIANTE e da CUT, reflexionando sobre a necesidade da convocatoria dunha Folga Xeral Nacional para responder na rúa á actual crise sistémica que goberno e capital financeiro (os verdadeiros culpábeis) están a cargar sobre o lombo da clase obreira galega, especialmente da mocidade.

Chamamos pois a participar neste acto de resposta política ás agresións da patroal (sintetizadas na figura de Adolfo Domínguez, que ven de pedir con descaro o despedimento libre) e de acumulación de forzas para poñer sobre a mesa a urxencia desa Xornada Nacional de Loita.

Convidámovos tamén á participación nos actos lúdicos de difusión que programamos para o vindeiro sábado 13 de marzo, ás 22:00 horas, na Sala Farándula (Pr. de Portugal, Vigo), onde se celebrará o concerto de Ulträqäns e Ataque Escampe, ao custo de 3€ a entrada. Pódese atopar por anticipado na cidade no L.S. Faísca, no C.S. A Revolta e en Tendas Tipo.

“A incorporación das grandes masas de obreiras á loita de liberación do proletariado é unha das condicións previas para a vitoria da idea socialista e para a construción da súa sociedade. Só a sociedade socialista resolverá o conflito hoxe en día producido pola actividade profesional das mulleres”.

Así falou Clara Zetkin no ano 1896, no congreso do Partido Socialdemócrata alemán, e o mesmo espírito desas palabras foi o que a levou a conseguir a aprobación da celebración do Día Internacional das Mulleres Traballadoras, hai xa cen anos.

No pasado, as mulleres, ao igual que os traballadores, non tivemos consciencia clara da nosa servidume. O sometemento, non obstante, das mulleres foi significativamente máis duro, xa que excluídas, casadas ou solteiras estabamos negadas coma seres humanos, cargadas de normas e tarefas que reducían a nosa existencia.

Desde ADIANTE congratulámonos de que, por fin, o pasado 27 de xaneiro á Unión da Mocidade Comunista Checa (KSM) se lle devolera á súa lexitima legalidade no seguemento dunha decisión do Tribunal Municipal de Praga que anula a decisión, e contradí os fundamentos, que levaran a que o 12 de outubro de 2006 o Governo checo declarase ilegal esta organización xuvenil ligada ao KSČM.

Na madrugada do mércores 13 ao xoves 14 foron detidos na entrada da cidade de Pontevedra dous xoves vigueses de recoñecido compromiso: o veciño de Lavadores e militante independentista Xurxo e o veciño de Travesía e militante anarquista Óscar.

A policia española do ex-GAL Rubalcaba non dubidou en lles aplicar a mal-chamada lei “anti-terrorista” e a prensa do sistema en inxurialos e prexulgalos. De novo queda ben claro a conexión e a estudada coordinación policía española / prensa empresarial.

De ADIANTE solidarizámonos cos dous xoves galegos e cos seus familiares, compañeiros e amigos. Exiximos que a denominada “prisión preventiva” non volva a se converter nunha excusa “legal” para privar de liberdade a prisioneiros políticos.

Volvemos reivindicar a liberdade de todos os presos políticos galegos, ou cando menos, o seu traslado á terra. E volvemos apoiar todas as iniciativas dos organismos anti-represivos galegos para rachar os muros do silenciamento e a manipulación.

Logo da celebración do sorteo público de onte que se celebrou por mor das Xornadas A MOCIDADE GALEGA EN DEFENSA DO AGRO, resultaron premiados:

1º premio Nº 00794 - Fin de semana no Courel para dúas persoas.

2º premio Nº 00335 - Cesta de produtos ecolóxicos fornecida pola Asociación de Labregos e Labregas LENTURA.

Se resultaches premiado ou premiada envíanos un mail a Este enderezo de correo-e está protexido contra spam bots, necesitas ter o Javascript activado para podelo ver